هذا الموضوع كنت أريد ان اتكلم عنه منذ فترة ليست بالقصيرة ، لكني كنت أحاول قدر الامكان الابتعاد عنه ، لكن على مايبدوا ليس باليد حيلة ..
بالآونة الأخيرة زادت الجمل العنصرية التي بدأت ترتفع كشعار بين شباب هذا الشعب الذي فرقه ما فرقه و ما زدنا من قربه إلا تفرقا …
كانت الجملة من قبل ” قالو ليش راسك مرفوع وعينك قويه قلت العفو كلنا ناس بس هيك الفلسطينيه ” .
و ع حسب آخر احصائية عندي ما بعرف انو في فرق بالتكوين بين الفلسطيني و الشامي و العراقي و الاردني ، فلكنا مخلوقين من نفس العجينة ( بويضة + نطفة ) و إذا مخلوق من غير هيك فيخبرني بركي بتزيد معلوماتي .
الجملة هلأ صارت :
قالو ليش راسك مرفوع وعينك قويه قلت العفو كلنا ناس بس هيك طلاب المعلوماتية
قالو ليش راسك مرفوع وعينك قويه قلت العفو كلنا ناس بس هيك الشوام
قالو ليش راسك مرفوع وعينك قويه قلت العفو كلنا ناس بس هيك الأردنية
قالو ليش راسك مرفوع وعينك قويه قلت العفو كلنا ناس بس هيك ……..
و انتم لكم حرية الاختيار للكلمات التي يمكنكم وضعها ضمن الفراغ السابق .
طيب إذا كنا كلنا هيك عم نحكي معناتا وين الوحدة ؟ ووين حديث الرسول عليه الصلاة و السلام : ” لا فضل لعربي على أعجمي إلا بالتقوى ” ؟؟؟ ولا انتوا حابين تقولولي انو الرسول ما قال لا فضل لعربي على عربي ، و بالتالي من الممكن ان نستخدم هذه الكلمات الغير معبرة عن شيء إلا عن شيء من النقص نحاول ان نقوم بتعبئته عن طريق هذه الشعارات ؟
يا جماعة كلنا بشر و كلنا من نفس الطينة ، و إذا واحد منا عندو كبر فلا ينسى بانوا الكبر مو من صفات المسلمين و لا من صفات العرب ، و أقل شي الواحد يتفاخر بشي هو مساويه مو بشي ورتوا أو حتى كلية دخلها ففي ناس داخل الكليات ” حاشا القراء ” حمير و بهايم أكثر من الناس يلي عم تشتغل صناعية .
و إذا كنا بيوم من الأيام عندنا أمل انو نرجع و نصير و يصير الغرب بدوا رضانا لازم نبلش بنفسنا أول الشي …
إن الله لا يغير ما بقوم حتى يغيروا ما بأنفسهم
ليش شو القصة أبو حميد؟ شو صار معك؟
ولا شي عادي ..